د امام حسین (ع) قیام د امام زمان (عج) د ظهور لپاره مناسبه زمینه برابره کړه
ایکنانیوز د المنار په حواله راپور راکوي، د لبنان د حزبالله عمومي منشي شیخ نعیم قاسم په بعلبک ښار کې د حسینی اربعین حسیني د پیاده تګ د مراسمو په پای کې په خبرو کې وویل: امام حسین (ع) د خپل نیکه د امت د اصلاح لپاره او د دین د سمې لارې ته د ګرځولو لپاره په بېلابېلو کچو قیام وکړ. د دین اقامه د عزت، لوړې روحیې او د ننګونو پر وړاندې په پیاوړي دریځ سره ترسره کیږي، او دا هغه څه دي چې امام حسین (ع) د خپل اهل بیت او ملګرو سره ترسره کړل. شیخ نعیم قاسم زیاته کړه: «مونږ اوس خپل ژوند جوړوو او خپل اولادونه د حسیني ـ زینبي قاعدې پر اساس، چې په ایثار او فداکارۍ ولاړه ده، روزو، څو په سمه انساني موقف کې واوسو، او دا نشی کیدلی چې ذلت ومنو.»
د لبنان د حزبالله عمومي منشي دې ته په اشارې سره چې مقاومت د کربلا د مکتب او د اسلامي امت د ژوند پایله ده، وویل: «مونږ د مقاومت، فلسطین او د حق د ملاتړ په برخه کې د یزید د زمانې، چې امریکا او اسرائیل پکې شامل دي، پر وړاندې یو.»
شیخ نعیم قاسم یو ځل بیا وویل: «تر هغې چې د اسرائیلي دښمن تیري او بریدونه دوام لري، مقاومت به خپلې وسلې ونه سپاري. او که اړتیا وه، مونږ به په کربلایي ډول وجنګیږو او ډاډه یو چې بریالي به شو.»
https://iqna.ir/fa/news/4300008
